احمد آباد(این این آئی)بھارتی وزیراعظم مودی نے اپنے آبائی شہر گجرات میں انتخابی مہم شروع کردی ہے جہاں 9دسمبر اور 14دسمبر کو 2مرحلوں میں 182اسمبلی نشستوں کیلئے انتخابات ہونگے۔ راج کوٹ میں انتخابی ریلی سے خطاب کرتے ہوئے وزیراعظم نے کہا کہ کانگرس مجھے ناپسند کرتی کیونکہ میں ایک غریب خاندان سے ہوں ۔کیا کوئی پارٹی اتنی نیچے گرسکتی ہے ؟ ہاں، ایک غریب خاندان کا فرد وزیراعظم بن گیا۔ راہول اس حقیقت کو برداشت نہیں کرپارہے ۔ مودی نے کہا کہ جی ہاں!میں نے چائے بیچی ہے لیکن ملک کو فروخت نہیں کیا۔کانگرس سے درخواست کرتا ہوں کہ وہ غریبوں اور میری غربت کا مذاق نہ اڑائے۔