گجرات میں سی ٹی ڈی کی کارروائی دو مبینہ دہشت گرد ہلاک‘ 3 فرار مظفرگڑھ سے 3 دہشت گرد گرفتار
لاہور (نامہ نگار) سی ٹی ڈی کی کارروائی، گجرات میں دو مبینہ دہشت گرد ہلاک، تین فرارہوگئے۔ سی ٹی ڈی کو پانچ دہشت گردوں کی گجرات میں کارروائی کی خفیہ اطلاع ملی تھی۔ جس پرگھرالی گاؤں میں انٹیلی جنس بیس آپریشن کیا گیا۔ کارروائی کے دوران ملزمان نے فائرنگ کی جس سے ان کے اپنے دو ساتھی ہلاک ہوگئے۔ دہشت گردوں کے قبضے سے بارودی مواد اور اسلحہ برآمدکرلیا گیا۔ سی ٹی ڈی نے مظفرگڑھ میں کارروائی کر کے 3 دہشتگردوں کو گرفتار کر لیا۔ دہشتگردوں سے بارود اور اسلحہ برآمد کر لیا گیا۔ ترجمان سی ٹی ڈی کے مطابق ملزمان کا تعلق کالعدم تحریک طالبان سے ہے۔ گرفتار دہشتگردوں میں آصف، عصمت اللہ اور عاصم شامل ہیں۔ دہشتگرد مذہبی اجتماعات پر حملے کی منصوبہ بندی کر رہے تھے۔
