لاہور (سپورٹس ڈیسک )پاکستان کرکٹ کے کپتان سرفراز احمد نے کراچی کے نجی فلاحی ادارے کا دورہ کیا اور تقریب میں نعت بھی پڑھی جس پر حاضرین داد دئیے بغیر نہ رہ سکے۔کپتان سرفراز احمد کرکٹ ہی اچھی نہیں کھیلتے بلکہ نعت بھی خوب پڑھتے ہیں اور اس دوران کھو جاتے ہیں۔ سرفراز کھیل کے میدان میں اپنے فینز کو دھوکہ نہیں دیتے اور تقریبات میں مداح نعت سنے بغیر انہیں جانے نہیں دیتے۔ دورے پر بھی کپتان سے فرمائش کی گئی۔سرفراز احمد نے نوجوانوں کو پیغام دیتے ہوئے کہا کہ نیت صاف رکھیں منزل آسان ہو جائے گی۔ اس موقع پر کپتان سرفراز احمد نے کمپوٹر کورسز میں کامیاب طالب علموں میں اسناد بھی تقسیم کیں۔