لاہور(سپورٹس رپورٹر) وکٹ کیپر بلے باز کامران اکمل800 فرسٹ کلاس کیچز لینے والے پاکستان اور ایشیا کے پہلے وکٹ کیپر بن گئے۔قائد اعظم ٹرافی میں اسٹیٹ بینک گراو¿نڈ میں واپڈا اور خان ریسرچ لیبارٹریز کے درمیان کھیلے گئے سپر ایٹ کے میچ میں کامران اکمل نے 800کیچوں کا سنگ میل عبور کیا۔انہوں نے پہلی اننگز میں پانچ اور دوسری اننگز میں دو شکار سمیت مجموعی طور پر میچ میں سات کیچ لیے۔۔ 1997 میں فرسٹ کلاس کیریئر کا آغاز کرنے والے کامران اکمل اب تک 227 میچوں میں 804 کیچ اور 61 اسٹمپ سمیت مجموعی طور پر 865 کھلاڑیوں کا وکٹوں کے عقب میں شکار کر چکے ہیں۔