لاہور (پ ر) سعدیہ فاﺅنڈیشن کرکٹ ٹیم (SFCT) سعدیہ کیمپس کا پروجیکٹ ہے جس کا مقصد سعدیہ کیمپس کو پروموٹ کرنا ہے۔ علی گڑھ کرکٹ گراﺅنڈ میں کھیلے گئے میچ میں SFCT کی ٹیم نے پنجاب کرکٹ کلب کو 62 رنز سے شکست دی۔ پنجاب کلب کے کپتان نے ٹاس جیت کر SFCT کو پہلے بیٹنگ کی دعوت دی۔ SFCT نے مقررہ 45 اوورز میں 7 وکٹوں کے نقصان پر 282 رنز بنائے۔ SFCT کی طرف سے عرشمان بٹ 138 رنز بناکر ناٹ آﺅٹ رہے۔جبکہ رانا دستگیر نے 43 گیندوں پر 70 رنز بنائے، کپتان سید امر حسین نے 26 رنز کی اننگ کھیلی۔ پنجاب کلب کی طرف سے عزت خان نے 3 کھلاڑیوں کو آﺅٹ کیا۔ SFCT کے 282 رنز کے جواب میں پنجاب کرکٹ کلب کی پوری ٹیم 220 رنز بناکر آﺅٹ ہوگئی۔ SFCT کی طرف سے عرشمان بٹ نے 42 رنز دے کر 3 جبکہ آصف خان نے 39 رنز دے کر 3 اور کپتان سید امر حسین نے 18 رنز دے کر 2 کھلاڑیوں کو آﺅٹ کیا۔