چلڈرن ہسپتال میں بیکن ہائوس کی جانب سے کھیل اور تفریح کی سہولتیں فراہم
لاہور (پ ر) چلڈرن ہسپتال لاہور میں بچوں کے نئے تعمیر شدہ بلاک میں ایویری اور ایٹریم کے افتتاح پر ایک تقریب ہوئی۔ بلاک میں زیر علاج بچوں کے لئے کھیلنے اور تفریحی سہولتوں کیلئے جھولے، سلائیڈز اور کھیلوں کے سامان کی تنصیب کی گئی۔ چیئرپرسن بیکن ہائوس گروپ نسرین محمود قصوری نے بچوں کے لئے سہولتوں کے افتتاح کے موقع پر کہا بیکن ہائوس کا بنیادی مقصد معیاری تعلیم کی فراہمی کے ساتھ ساتھ اپنی وسیع سرگرمیوں کے ذریعے عوام میں تعلیم کے فروغ اور کمیونٹی ڈویلپمنٹ کی سماجی ذمہ داری پوری کرنا بھی ہے۔ ڈاکٹر مسعود صادق ڈین چلڈرن ہسپتال نے بیکن ہائوس کی اعانت کے لئے شکریہ ادا کیا۔
