ملتان (نمائندہ نوائے وقت) پی آئی اے کی مدینہ منورہ سے ملتان آنے والی پرواز میں خاتون نے بچی کو جنم دیا ہے۔ تفصیل کے مطابق مدینہ منورہ سے ملتان آنے والی پی آئی اے کی پرواز پی کے 716 میں عمرہ کی سعادت حاصل کر کے واپس آنیوالی خاتون کے ہاں دوران پرواز ہی بچی کی پیدائش ہو گئی۔ طیارہ ابھی ایران کی فضائی حدود میں ہی تھا یہ خاتون پندرہ یوم قبل عمرہ کی ادائیگی کیلئے ملتان ائیرپورٹ سے مدینہ منورہ کیلئے روانہ ہوئی تھیں۔ بچی کے والد کا نام عمران اور بہاول پور کا رہائشی ہے۔ پی آئی اے کی ائیر ہوسٹس اور عملہ نے دوران پرواز پیدا ہونے والے نوزائیدہ بچی کو خوش آمدید کہا۔ دوسری جانب پی آئی اے انتظامیہ نے اس حالت میں خاتون کو پرواز کی اجا زت دینے پر پی آئی اے کے متعلقہ ذمہ داران افسروں کیخلاف انکوائری کا حکم دیدیا ہے۔