آرمی نے 12 ویں کورین ایمبیسیڈر نیشنل تائیکوانڈوچیمپئن شپ جیت لی
اسلام آباد ( سپورٹس رپورٹر)پاکستان آرمی نے 12 ویں کورین ایمبیسیڈر نیشنل تائیکوانڈو چیمپئن شپ جیت لی۔ چیمپئن شپ کی اختتامی تقریب لیاقت جمنازیم میں منعقد ہوئی جس میں کورین سفیر چن کوگو، خیبرپختونخوا اولمپک ایسوسی ایشن صدر سید عاقل شاہ، پاکستان سپورٹس بورڈ کے ڈائریکٹر جنرل ڈاکٹر نواز گنجیرا، پاکستان تائیکوانڈو فیڈریشن کے چیئرمین افتخار تبسم، صدر کرنل (ر) وسیم احمد جنجوعہ اور خواتین ونگ کی چیئرپرسن صباء شمیم جدون کے علاوہ شائقین کی کثیر تعداد بھی موجود تھی۔ چیمپئن شپ میں کامیابی حاصل کرنے والی ٹیموں کے کھلاڑیوں میں میڈلز اور ٹرافیاں تقسیم کی گئیں۔
