اسلام آباد (نمائندہ خصوصی) ایکو کی علاقائی منصوبہ بندی کونسل کا اجلاس جاری رہا۔ اور آج اس کے اختتامی سیشن ہوں گے جن کے بعد ڈپٹی چیئرمین پلاننگ کمشن سرتاج عزیز اور ایکو کے سیکرٹری جنرل پریس کانفرنس میں فیصلوں کا اعلان کریں گے۔ اجلاس میں ایکو کے 2025 ء کے روڈ میپ کو حتمی شکل دینے کی کوشش کی جا رہی ہے۔ جبکہ 2018 ء کے ترقیاتی منصوبوں کو بھی حتمی شکل دی جائے گی۔ گزشتہ روز مختلف ورکنگ گروپوں نے اپنی سفارشات کو حتمی شکل دی جو آج وزارتی اجلاس میں پیش کی جائیں گی۔