چیئرمین بورڈ آف انوسٹمنٹ سے امارات کے سفیر کی ملاقات
اسلام آباد (سپیشل رپورٹ) پاکستان میں متحدہ عرب امارات کے سفیر نے گزشتہ روز پاکستان کے بورڈ آف انوسٹمنٹ کے چیئرمین نسیم دانی زمیندار سے ملاقات کی۔ متحدہ عرب امارات کے سفیر نے چیئرمین بورڈ آف انوسٹمنٹ کے ساتھ پاکستان اور متحدہ عرب امارات کے درمیان معاشی اور تجارتی تعلقات کو فروغ دینے اور پاکستان میں عرب امارات کی سرمایہ کاری سمیت مختلف موضوعات پر تبادلہ خیال کیا۔ متحدہ عرب امارات کے سفیر نے کہا کہ پاکستان اور متحدہ عرب امارات دونوں برادر ملک ہیں دونوں ملکوں میں تعلقات تاریخ‘ عقیدہ اور مشترکہ ثقافت پر مبنی ہیں ملاقات میں پاکستان اور عرب امارات کے درمیان تعلقات کو مزید مستحکم بنانے پر اتفاق کیا گیا۔
