لاہور(کامرس رپورٹر)لاہور الیکٹرک سپلائی کمپنی )لیسکو)کے 20میٹر ریڈرز کو نئی ایس ایم ایس سروس مہم میں خراب کارکردگی دکھانے پر معطل کر دیا گیا ہے۔لیسکو ترجمان کے جاری اعلامیے کے مطابق چیف ایگزیکٹو سید واجد علی کاظمی نے خراب کارکردگی دکھانے والے میٹر ریڈرز کے خلاف کارروائی کرنے کا اعلان کیاتھا۔ اربن کیٹیگری میںانتہائی خراب کارکردگی دکھانے پر جی او آر سب ڈویژن کے تین ، سید پور سب ڈویژن کے تین، رانا ٹائون سب ڈویژن کے دواور جوہر ٹائون سب ڈویژن کا ایک اسی طرح رورل کیٹیگری میں خیراں والا شیخوپورہ سب ڈویژن کے دو ، فورٹ سب ڈویژن شیخوپورہ کے دو ، راوی ریان سب ڈویژن ، سٹی مریدکے سب ڈویژن ، حویلی سٹی سب ڈویژن و دیگر شامل ہیں۔ دریں اثنا جونئیر انجینئرزنے چیف ایگزیکٹو لیسکو سید واجدعلی کاظمی سے ملاقات کی جس میں ملازمتوں کی مستقلی کا مطالبہ کیا ۔چیف ایگزیکٹو لیسکو نے یقین دہانی کروائی کہ ان کی ملازمتوںکی مستقلی کا معاملہ بورڈآف ڈائریکٹرز کے سامنے اٹھایا جائے گا ۔