پنڈی بھٹیاں کی فاطمہ بی بی کا 120 سال کی عمر میں انتقال، نوشہرہ وادی سون کے ملک عبدالرحیم بھی 99 برس کی عمر میں چل بسے
نوشہرہ وادی سون+کسیسے(نامہ نگاران) مو ضع پیل کی سماجی شخصیت ملک عبدالرحیم اعوان 99 سال کی عمر اور دوصدیاں دیکھنے کے بعد وفات پاگئے مرحوم ہیڈ کلرک پیل ہائی سکول ملک روف کے والد پیل کے صحافی محمد اشرف کے چچا تھے۔ وہ 1918ء میں پیدا ہوئے تھے۔ مرحوم نے پسماندگان میں ایک بیٹا، دو بیٹیاں، ایک پوتا، آٹھ پوتیاں، گیارہ نواسے اور تین نواسیاں چھوڑی ہیں۔ نواحی گائوں نواحی گائوں ٹھٹھہ بھدرو کی رہائشی پنڈی بھٹیاں کی طویل عمر فاطمہ بی بی 120 سال کی عمر میں خالق حقیقی سے جاملی فاظمہ بی بی نے پسماندگان میں 70سے زائد پوتے پوتیاں چھوڑے ہیں۔
