مقبوضہ غزہ (این این آئی) بیت اللحم میں عائدہ پناہ گزین کیمپ میں جھڑپوں کے دوران ایک کیمرے کی آنکھ نے اسرائیلی فوج کے اہل کاروں کی 3 بچوں پر چڑھائی کے منظر کو محفوظ کر لیا ، ان بچوں کی عمر پانچ برس سے زیادہ نہیں تھی۔ میڈیا رپورٹس کے مطابق بچوّں نے اسرائیلی فوجیوں کے سامنے چلّانا اور رونا شروع کر دیا جبکہ اس دوران ایک فلسطینی جو شاید ان کا باپ یا کوئی عزیز تھا اس نے بچوں کے دفاع کی کوشش کی۔