حیدرآباد : تانیہ قتل کیس میں ملوث تینوں ملزموں پر فردجرم عائد‘ جرم تسلیم کرنے سے انکار
حیدرآباد( نامہ نگار) انسداد دہشت گردی کی عدالت نے تانیہ خاصخیلی کے مقدمہ قتل میں گرفتار ملزمان پر فرد جرم عائد کردی ۔ تانیہ خاصخیلی کے مقدمہ قتل کی سماعت ہفتے کے روز حیدرآباد میں انسداد دہشت گردی کی عدالت میں ہوئی ۔ اس موقع پر گرفتار ملزمان خانو نوحانی، مولا بخش نوحانی او رعلی نوحانی نے جرم تسلیم کرنے سے انکار کردیا۔
