فیصل آباد (سپورٹس رپورٹر) سمن آباد جم خانہ اور پرنس جم خانہ فیصل آباد نے پہلی اعجاز فاروق ٹی ٹونٹی کلب کرکٹ چیمپئن شپ میں اپنے اپنے میچ جیت لئے۔ پہلے میچ میں سمن آباد جمخانہ نے سر سید ٹاؤن کرکٹ کلب کو کو سات وکٹوں سے شکست دی۔ سرسید ٹاؤن کلب کی ٹیم 117رنزبناکر آؤٹ ہوگئی۔ عاشق علی 42رنزبناکر نمایاں رہے۔ سمن آباد جم خانہ کے قاسم نے 20 رنز کے عوض چار کھلاڑیوں کو آؤٹ کیا، سمن آباد جم خانہ نے ہدف تین وکٹوں پر پورا کر لیا۔ محمد عامر 44 رنز بناکر نمایاں رہے۔پرنس جم خانہ نے ملکھانوالہ کلب کو 101رنز سے شکست دی۔ پرنس جم خانہ کلب نے 6وکٹوں پر 213رنزبنائے۔ نوید طاہر60 اور محمد سہیل 59 رنز بناکر نمایاں رہے۔ ملکھانوالہ کلب کی ٹیم 112رنز بناکر آؤٹ ہو گئی۔ محمد سلمان 26رنز بناکر نمایاں رہے۔ پرنس جم خانہ کی طرف سے شوکت علی نے 16رنز کے عوض چار کھلاڑیوں کو آؤٹ کیا۔