بحریہ کپ آرچری چیمپئن شپ 70 سے زائدآرچرز شریک
لاہور (سپورٹس رپورٹر) تیسری بحریہ کپ آرچری چیمپئن شپ 2017ء شروع ہو گئی۔ بحریہ ٹاون سپورٹس ونگ اور پنجاب آرچری ایسوسی ایشن کے اشتراک سے دو روزہ چیمپئن شپ میں 70 سے زائد مرد و خواتین آرچرز نے شریک ہیں۔ چیمپئن شپ کی افتتاحی تقریب کے مہمان خصوصی پاکستان اولمپک ایسوسی ایشن کے سیکرٹری خالد محمود تھے جنہوں نے نشانہ لیکر چیمپئن شپ کا باقاعدہ افتتاح کیا۔ چیمپئن شپ میں لاہور، فیصل آباد، راولپنڈی، ساہیوال، گوجرانوالہ، بہالپور، ملتان، سرگودھا، ڈیرہ غازی خان کے علاوہ محکمہ جاتی ٹیمیں بھی شریک ہیں۔ آج ہونے والے اختتامی تقریب کے مہمان خصوصی ایڈمنسٹریٹر بحریہ ٹاؤن بریگیڈئر (ر) خلیل اﷲ بٹ ہونگے جو کامیاب کھلاڑیوں میں میڈلز اور سرٹیفیکیٹس تقسیم کرینگے۔
