لاہور (سپورٹس رپورٹر) شہید بے نظیربھٹو انٹرنیشنل ٹینس ٹورنامنٹ میں 9 پاکستانی کھلاڑیوں نے مین رائونڈ کے لئے کوالیفائی کر لیاہے، مین رائونڈ (آج) پیر سے اسلام آباد ٹینس کمپلیکس میں شروع ہوگا، مین رائونڈ کے لئے کوالیفائی کرنے والے پاکستانی کھلاڑیوں میں شہزاد خان، یاسر خان، محمد اکبر، ہیرا عاشق، محمد عابد، مزمل مرتضیٰ، عقیل خان، سامر افتخار اور احمد چوہدری شامل ہیں، ان کے علاوہ مین رائونڈ میں 23 غیرملکی کھلاڑیوں کو بھی شامل کیا گیا ہے جن کا تعلق بھارت، کینڈا ، روس، یوکرین، آسٹریلیا، جرمنی ، فرانس اور سپین سے ہے، ٹورنامنٹ کے کوارٹر فائنل مقابلے 22 دسمبرکو، سیمی فائنل 23 دسمبر جبکہ فائنل میچ 24 دسمبر کو کھیلا جائے گا، ٹورنامنٹ میں 15 ہزار ڈالر کی انعامی رقم رکھی گئی ہے،ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے، مین رائونڈ کے (آج) پیر کو 16 میچز کھیلے جائیں گے۔