لاہور(سپورٹس رپورٹر) تیسرا بحریہ کپ آرچری چیمپئن شپ2017ء فیصل آباد نے مردوں اور خواتین میں میدان مار لیا۔ مردوں میں نعمان جبکہ خواتین میں سائرہ دلشاد بہترین آرچر قرار پائیں۔ بحریہ ٹاون لاہور کیمپس میں دو روزہ چیمپئن شپ کے مردوں کے ٹیم ایونٹ میڈں فیصل آباد نے 603 پوائنٹس کے ساتھ پہلی پوزیشن اپنے نام کی۔ میزبان لاہور کی ٹیم 548 پوائنٹس کے ساتھ دوسری جبکہ گوجرانوالہ ٹیم 506 پوائنٹس کے ساتھ تیسری نمبر پر رہی۔ خواتین مقابلوں میں فیصل آباد نے 462 پوائنٹس کے ساتھ پہلی، لاہور 373 پوائنٹس کے ساتھ دوسرے جبکہ بہاولپور ٹیم 252 پوائنٹس کے ساتھ تیسرے نمبر پر رہی۔ چیمپئن شپ کی اختتامی تقریب کے مہمان خصوصی بحریہ ٹاون لاہور کے ایڈمنسٹریٹر بریگیڈئر (ر) خلیل اﷲ بٹ تھے جنہوں نے کامیاب کھلاڑیوں میں انعامات تقسیم کیے۔