مالاکنڈ:مکان کی چھت گرنے سے ماں بیٹی جاں بحق، 4زخمی
سخاکوٹ(صباح نیوز)مالاکنڈ کے علاقے سخاکوٹ میں مکان کے کمرے کی چھت گر نے سے ماں اور بیٹی ملبے تلے دب کر جاں بحق جبکہ باپ اور بچوں سمیت 4 افراد زخمی ہوگئے ۔ ایڈیشنل اسسٹنٹ کمشنرعالمگیر خان کے مطابق بدھ کو سخاکوٹ کے نواحی گاوں غاورکلے میں حالیہ بارشوں سے بوسیدہ اور خستہ حالی کی وجہ سے مکان کی چھت گر گئی جس کے ملبے تلے دب کرماں اور بیٹی موقع پر جاں بحق اورباپ تین بچوں سمیت زخمی ہوگیا۔ مقامی افراد نے موقع پرپہنچ کر اپنی مدد آپ کے تحت لاشوں اورزخمیوں کو ملبے سے نکال کر درگئی ہسپتال منتقل کرکیا۔
