لاہور(سپورٹس رپورٹر+نمائندہ سپورٹس) نیشنل ہاکی چیمپئن شپ میں ائرفورس، نیوی اور اسلام آباد کی ٹیموں نے میچز جیت لیے۔ پہلا میچ ائرفورس اور ایچ ای سی ٹیموں کے درمیان کھیلا گیا۔ جس میں ائرفورس ٹیم نے تین کے مقابلے پانچ گول سے کامیابی اپنے نام کی۔ نیوی اور ریلویز کی ٹیموں کے درمیان کانٹے دار مقابلہ دیکھنے کو ملا جس میں نیوی نے ایک گول سے کامیابی حاصل کی۔ صوبائی پول میں اسلام آباد نے گلگت بلتستان کو ایک کے مقابلے چار گول سے ہرایا۔ بدھ کی رات کو دو میچ کھیلے گئے تھے جن میں واپڈا نے سوئی نادرن گیس پائپ لائن کو چار صفر سے جبکہ سوئی سدرن گیس کمپنی نے زرعی ترقیاتی بنک کو تین دو سے مات دی۔