الیکشن کمشن نے حلقہ بندیوں کیلئے منصوبہ بندی مکمل کر لی، 8 نکاتی اصول بنا لئے گئے
اسلام آباد (وقائع نگار خصوصی) الیکشن کمشن نے آئندہ عام انتخابات میں حلقہ بندیوں کے لئے منصوبہ بندی مکمل کرلی ہے۔ الیکشن کمشن نے حلقہ بندیوں کے لئے 8نکاتی اصول وضع کرلیے جس کے مطابق حلقہ بندیاں عوامی سہولت اور علاقے کی یکسانیت کو برقرار رکھنے کے اصولوں پر کی جائیں گی۔ حلقہ بندیاں آبادی، جغرافیائی حدود، علاقائی محل وقوع، انتظامی بانڈریز، عوامی اور مواصلاتی سہولت پر ہوں گی جب کہ اس حوالے سے الیکشن کمشن جلد ہی 5 حلقہ بندی کمیٹیاں تشکیل دے گا۔
