سانگلہ ہل (آئی این پی ‘ آن لائن) وفاقی وزیر اطلاعات و نشریات مریم اورنگزیب نے کہا ہے کہ مسلم لیگ (ن) ملکی سیاست کے آسمان کا درخشندہ ستارہ ہے، پاکستان کی سیاست مسلم لیگ (ن) اور شریف خاندان کے بغیر کاغذی پھول کی مانند ہے۔ مخالفین کے پیٹ میں اٹھنے والے مروڑ کا ہمارے پاس کوئی علاج نہیں، میاں نواز شریف کو مائنس قرار دےنے والے اپنے دماغ کا معائنہ کروائیں، مسلم لیگ ن ماضی میں بھی ایک حقیقت تھی اور آج بھی ہے جس کو جھٹلایا نہیں جا سکتا۔ وہ وفاقی وزیر امور کشمیر چوہدری برجیس طاہر کے ہاتھوں پر مسلم لیگ (ن) میں بیعت ہونے والی سانگلہ ہل جناح آبادی کی معروف خاتون زہرہ ارشاد عرف (مادو) بی بی سے شادی کی ایک تقریب میں دوران ملاقات گفتگو کر رہی تھیں۔ زہرہ ارشاد عرف (مادو) نے چند روز قبل مسلم لیگ (ن) میں شمولیت اختیار کرکے وفاقی وزیر چوہدری برجیس طاہر کو اپنا سیاسی مرشد تسلیم کر لیا۔ علاوہ ازیں وزیر مملکت مریم اورنگزیب نے کہا کہ خطے کیلئے علاقے کے ممالک ہی اپنی پالیسی خود بنائیں گے، باہر سے ہدایات نہیں لیں گے، 6 ملکی پارلیمانی اتحاد سے دہشت گردی کا مسئلہ حل کیا جاسکتا ہے، سپیکرز کانفرنس کے کامیاب انعقاد پر خراج تحسین پیش کرتی ہوں۔
مریم اورنگزیب