فیصل آباد (نمائندہ خصوصی) فیصل آباد میں ایک ایسا آرٹسٹ ہے جو گذشتہ 45 سال سے بانی پاکستان کے پورٹریٹ بنا رہا ہے جنہیں دیکھ کر بڑے بڑے آرٹسٹ داد دینے پر مجبور ہوتے ہیں۔ 64 سالہ مصور استاد شفیق نے بابائے قوم کی سالگرہ پر ایک اور خوبصورت پورٹریٹ تیار کر لیا۔ فن کسی کی میراث نہیں۔ جھال پل کے نیچے فٹ پاتھ پر دنیا و مافیہا سے بے خبر عمر رسیدہ مصور پینسل سے کینوس پر پورٹریٹ کی نوک پلک سنوارتے بابائے قوم کی محبت میں ایسا سرشار دکھائی دیتا ہے کہ ہر پہلو سے انسیت نظر آتی ہے۔