ایبٹ آباد (نامہ نگار) مشیر ہوا بازی سردار مہتاب احمد خان نے کہا ہے کہ میاں محمد نواز شریف کو سازش کے تحت اقتدار سے الگ کیا گیا ملک کے خلاف ساز ش کرنے والے عناصر کو 2018کے انتخابات میں عوام سبق سکھائیں گے ہزارہ موٹر وے منصوبے سے ترقی کا نیا دور شروع ہو گا آج ہزارہ کے عوام کے لیے عید جیسی خوشی ہے آج ہمارے درمیان وہ شخصیت نہیں جنہوں نے ہزارہ کے عوام کو موٹر وے کا تحفہ دیا ان خیالات کا اظہار انہوں نے ہزارہ موٹر وے برہان تا شاہ مقصود انٹر چینج کی افتتاحی تقریب کے بعد صحافیوں سے بات چیت کرتے ہوئے کیا انہوں نے کہا کہ ہزارہ موٹروے کے افتتاح سے ہزارہ میں ترقی کا نیا دروازہ کھلا ہے اور عوام کو بہترین سفری سہولیات میسر ہوں گی اور گھنٹوں کا فاصلہ منٹوں میں طے ہو گا نواز شریف کی قیادت میں وزیر اعظم شاہد خاقان عباسی کی قیادت میں جاری و ساری ہے ۔ انہوں نے مزید کہا کہ صوبہ خیبرپی کے میں آئندہ انتخابات میں مسلم لیگ ن بھاری اکثریت سے کامیاب ہو گی اور آنے والی حکومت مسلم لیگ ن کی ہو گی ۔