لاہور(خبر نگار) پیپلز پارٹی کی شہید چیئر پرسن بے نظیر بھٹو کی دسویں برسی کے موقع پر این اے 120میں پیپلز پارٹی کے کارکن اکبر ہرا سائیں نے ایصال ثواب کے لئے فاتحہ خوانی کی تقریب منعقد کی جس میں پیپلز پارٹی کے سینئر رہنما الطاف قریشی ‘ حافظ زبیر کاردار ‘ عارف خان اور افضل بٹ سمیت کارکنوں کی بڑی تعداد نے شرکت کی۔ اس موقع پر خطاب کرتے ہوئے حافظ زبیر کار دار کا کہنا تھا کہ آج دس سال ہو گئے ہیں بے نظیر کی شہادت کو لیکن ان کی یہ عظیم شہادت آج بھی جیالوں سمیت سب کے دلوں میں تازہ ہے۔