لاہور (نمائندہ سپورٹس + سپورٹس رپورٹر) قومی خواتین کرکٹ ٹیم کی آل راونڈراسماویہ اقبال زندگی کے نئے سفر کا آغاز کرنے جا رہی ہیں۔ گزشتہ روز اسماویہ اقبال کا برائیڈل شاور ہوا جس میں ان کی قریبی دوستوں کے علاوہ ٹیم کی ساتھی کھلاڑی بھی شریک تھیں۔ملتان سے تعلق رکھنے والی خواتین کرکٹ ٹیم کی فاسٹ بائولر اسماویہ اقبال نے 2005 میں سری لنکا کیخلاف ڈیبیو کیا تھا۔ تیس سالہ اسماویہ اب تک 92 ایک روزہ میچز میں 922 رنز بنانے کے علاوہ 70 وکٹیں حاصل کرچکی ہیں۔ اسماویہ نے 68 ٹی ٹونٹی میچز میں 44 وکٹیں حاصل کر رکھی ہیں۔اسماویہ نے ٹوئٹر پیغام میں اس دن کو یادگار بنانے پردوستوں کا شکریہ ادا کیا۔ اسماویہ کی قریبی دوست اور خواتین کرکٹ ٹیم کی کھلاڑی کائنات امتیاز نے بھی اپنے ٹوئٹر اکاؤںٹ پر تقریب کی تصاویر شیئر کرتے ہوئے لکھا کہ ’’میری جگر کا برائیڈل شاور ‘‘۔ کائنات نے یہ بھی بتایا کہ یہ ساری چیزیں انہوں نے خود تیار کی ہیں ۔