کراچی (سٹاف رپورٹر)آزاد کشمیر کے صدر سردار مسعود خان نے کہا ہے کہ کشمیریوں کے دل پاکستان کے ساتھ دھڑکتے ہیں۔ مقبوضہ کشمیر کی صورتحال بہت تشویشناک ہے بھارت نے ہزاروں لوگوں کو ظلم و بربریت کا نشانہ بنایا ہے بھارت آذاد کشمیر پر ایل او سی کی روز خلاف ورزی کر رہا ہے وہ میرین اکیڈمی کی تقریب میں میڈیا سے بات چیت کر رہے تھے ۔ انہوں نے کہا کہ بھارت کا مکروہ چہرہ کلبھوشن کی شکل میں دنیا کے سامنے آگیا ہے۔بعد ازاں انہوں نے گورنر ہائوس میں گورنر سندھ سے ملاقات بھی کی۔ ملاقات میں جاری صورتحال، امن و امان کے قیام کے بعد معاشی خوشحالی اور تسلسل سے بڑھتی ہوئی غیر ملکی سرمایہ کاری، سیاحتی مقامات کو مزید وسعت دینے سمیت اہمیت کے حامل دیگر امور پر تفصیلی تبادلہ خیال کیا گیا۔گورنر سندھ نے کہا کہ کشمیر پاکستان کی شہ رگ ہے کشمیری بھائیوں کی سفارتی، اخلاقی، معاشرتی اور سماجی حمایت جاری رکھے گا۔ملاقات میں آزاد کشمیر کے صدر نے بتایا کہ کشمیری پاکستان کی حمایت کو قدر کی نگاہ سے دیکھتے ہیں، کشمیریوں کے دل پاکستان کے ساتھ دھڑکتے ہیں۔