لاڑکانہ‘ مانسہرہ (نوائے وقت رپورٹ + آئی این پی) لاڑکانہ اور مانسہرہ میں 2 ٹریفک حادثات میں 6 افراد جاں بحق ہوگئے جبکہ 22 زخمی ہو گئے۔ پولیس کے مطابق قمیر روڈ پر تیزرفتار ٹریکٹر ٹرالی نے موٹرسائیکل کو ٹکر مار دی۔ حادثے میں چار افراد جاں بحق ہوگئے۔ ادھر لاڑکانہ میں تیزرفتاری کے باعث بس الٹنے کے نتیجے میں 2 افراد جاں بحق جبکہ 22 زخمی ہوگئے۔ میڈیا رپورٹس کے مطابق لاڑکانہ کے علاقے رتو ڈیرو کے قریب کیوائی کے مقام پر تیزرفتار مسافر کوچ ڈرائیور سے بے قابوہوکر کھائی میں جاگری جس کے باعث 2 افراد جاں بحق جبکہ 22 شدید زخمی ہو گئے۔ زخمیوں کو قریبی ہسپتال منتقل کیا گیا ہے جہاں انہیں طبی امداد دی جا رہی ہے۔ شوگران سے پارس جانے والی جیپ کھائی میں گرنے سے 2 افراد جاں بحق ہوگئے۔ پولیس کے مطابق جاں بحق افراد سکی کناری ڈیم پراجیکٹ میں تعینات تھے۔ نعشیں بالاکوٹ ہسپتال منتقل کر دی گئی ہیں۔