ژوب: سکیورٹی فورسز اور دہشت گردوں میں جھڑپ، 2 اہلکار شہید
کوئٹہ(آن لائن) بلوچستان کے علاقے ژوب میں سیکورٹی فورسز اور حساس اداروں کا دہشت گردوں کے خلاف آپریشن کے دوران فائرنگ کے تبادلے میں2 سکیورٹی اہلکار شہید ہوگئے جبکہ آپریشن جاری ہے۔ یہاں آمدہ اطلاعا ت کے مطابق گزشتہ روز بلوچستان کے علاقے ژوب میں گل کچھ کے مقام پر سیکورٹی فورسز اور حساس اداروں کے اہلکاروں نے خفیہ اطلاع ملنے پر کالعدم تنظیم کے دہشت گردوں کی موجودگی کی اطلاع پر آپریشن کیا آپریشن کے دوران فائرنگ کے تبادلے میں2 سیکورٹی اہلکار شہید ہوگئے تا حال آپریشن جاری ہے شہید ہونیوالے اہلکاروں کی لاشیں ہسپتال منتقل کر دی گئی ہیں۔
