لاہور ڈویژن باسکٹ بال ٹیم کیلئے 3 روزہ ٹرائلز آج سے شروع ہونگے
لاہور(سپورٹس رپورٹر) پاکستان باسکٹ بال فیڈریشن کے زیراہتمام نیشنل باسکٹ بال چیمپئن شپ میں شرکت کرنے والی لاہور ڈویژن ٹیم کے انتخاب کے لیے تین روزہ ٹرائلز آج سے گورنمنٹ کالج کے باسکٹ بال کورٹ میں شروع ہونگے۔ چیمپئن شپ میں پانچ ڈیپارٹمنٹ اورتین ڈویڑنوں کی آٹھ ٹیمیں حصہ لیں گی۔ لاہورڈویژن کی ٹیم نے انٹر ڈویڑنل چیمپئن شپ میں فتح حاصل کرکے میگا ایونٹ کیلئے کوالیفائی کیا تھا۔ ٹرائلز میں شرکت کے خواہشمند لاہور ڈویژن باسکٹ بال ایسوسی ایشن کے صدر خالدبشیر سے رابطہ کر سکتے ہیں۔
