ساہیوال + کھڈیاں خاص (نمائندہ نوائے وقت+ نامہ نگار) گھریلو حالات سے دلبرداشتہ2 نوجوانوں نے زہریلی گولیاں اور ٹرین کے آگے لیٹ کر خودکشی کر لی۔ علاوہ ازیں کھڈیاں خاص کے نواحی گائوں مالی والا کے نوجوان عرفان نے چلتی ٹرین کے آگے لیٹ گیا، بعد میں زخموں کی تاب نہ لاتے موقع پر ہی دم توڑ گیا۔ کھڈیاں خاص تھانہ پولیس نے نعش قبضہ میں لیکر ڈسٹرکٹ ہسپتال منتقل کردیا۔ ساہیوال کے نواحی چک 110 سیون آر میں 30 سالہ نوجوان سرفراز کا اسکی بیوی سے روٹھ کر سسرال جانے پر والدین سے جھگڑا ہوگیا۔ والدین نے اسے ڈانٹا جس سے دلبرداشتہ ہو کر سرفراز نے گندم میں رکھنے والی زہریلی گولیاں کھالیں اور وہ بیہوش ہوگیا جسے فوری طور پر سول ہسپتال لایا گیا مگر وہ دم توڑ گیا۔