چمن میں یکے بعد دیگرے 2 بم دھماکے، 3 اہلکاروں سمیت، 8 افراد ہلاک
چمن (صباح نیوز‘ آئی این پی) بلوچستان کے علاقہ چمن میں مال روڈ پر سپیشل برانچ کی زیرتعمیر عمارت کے سامنے بجری میں نصب دو بارودی مواد کے دھماکوں کے نتیجے میں تین سکیورٹی اہلکاروں سمیت آٹھ افراد زخمی ہو گئے۔ زخمی ہونے والوں میں دو پولیس اہلکار اور ایک ایف سی اہلکار شامل ہیں۔ پولیس کے مطابق پیر کو بلوچستان کے علاقے چمن میں مال روڈ پر اسپیشل برانچ کے دفتر کے باہر 2 دھماکے ہوئے ،واقعے کی اطلاع ملتے ہی پولیس اور ایف سی کی بھاری نفری موقع پر پہنچ گئی۔ دھماکوں میں 8 افراد زخمی ہوئے ۔زخمیوں کو ڈسٹرکٹ ہیڈکوارٹرز ہسپتال منتقل کر دیا گیا جبکہ سکیورٹی اہلکاروں نے علاقہ کو گھیرے میں لے کر ملزمان کی تلاش شروع کر دی ہے۔
دھماکے
