لاہور(نمائندہ سپورٹس+سپورٹس رپورٹر)پانچواں عالمی بلائنڈ کرکٹ کپ میں شرکت کے لئے بنگلہ دیش کی ٹیم کل پاکستان آئیگی ۔ پاکستان بلائنڈ کرکٹ کونسل کے چیئرمین سید سلطان شاہ کے مطابق ورلڈ کپ میں بھارت ، نیپال ، بنگلہ دیش اور میزبان پاکستان اپنے میچز کا آغاز پاکستان سے کریںگے۔ ورلڈ کپ میں شرکت کے لئے بنگلہ دیش کی ٹیم 4جنوری، نیپال 5 جنوری اور بھارت کی ٹیم بھارتی وزارت خارجہ سے کلیئرنس کے بعد 6جنوری کو پاکستان پہنچے گی۔انہوں نے کہاکہ عالمی بلائینڈ کرکٹ کپ 7سے21جنوری تک پاکستان اور متحدہ عرب امارات میں کھیلا جائے گا۔ عالمی بلائینڈ کرکٹ کپ میںسات ممالک کی ٹیمیں شرکت کر رہی ہیں ۔