لاہور (سپورٹس رپورٹر+نمائندہ سپورٹس) آئندہ ماہ شیڈول دورئہ ارجنٹائن کے لیے پاکستان جونیئر ہاکی ٹیم کے 31 کھلاڑیوں کا اعلان کردیا گیا جبکہ منتخب کھلاڑیوں کو 4 جنوری کو عبدالستار ایدھی ہاکی سٹیڈیم کراچی میں رپورٹ کرنے کی ہدایت کی گئی ہے۔پاکستان جونیئر ہاکی ٹیم کو آئندہ ماہ دورہ ارجنٹائن کا چیلنج درپیش ہے، دورے کی تیاریوں کے ابتدائی مرحلے میں مجموعی طور پر31 کھلاڑیوں کا انتخاب کیا گیا ہے، پی ایچ ایف کی سلیکشن کمیٹی نے ان پلیئرزکا انتخاب حال ہی میں سکھر میں اختتام پذیر ہونے والی قومی چیمپئن شپ میں عمدہ کارکردگی دکھانے والے کھلاڑیوں میں سے کیا ہے۔