وہاڑی (نامہ نگار) نواحی گائوں 28 ڈبلیو بی میںظالم چچا نے سگی بھتیجی کے کردار پر شک کرتے ہو ئے ساتھیوں کے ہمراہ مبینہ طور پر کلہاڑیوں کے پے درپے وار کرکے بازو کاٹ دیا۔ تشویشناک حالت میں ڈی ایچ کیو ہسپتال شفٹ کردیا گیا۔ متعلقہ پو لیس واقعہ سے لا علم ، زخمی لڑکی نصرت بی بی کے بھائی عرفان رشید نے اپنی والدہ ثریا بی بی اور بہنوئی عبدالحمید کے ہمراہ ڈی ایچ کیو ہسپتال میں صحافیوں کو بتایا کہ میرے چچا رفیق کو میری بہن نصرت بی بی کے کردار پر شک تھا۔ میری ہمشیرہ گھرکے کا م کا ج میں مصروف تھی کہ میرا سگا چچا رفیق ساتھیوں کے ہمراہ گھر میں گھس آیا اور آتے ہی مبینہ طور پر کلہاڑیوں کے پے درپے وار کرکے باز و کا ٹ دیا اور گردن پر بھی وار کئے۔ میرا والد اور والدہ چھڑانے آئے تو انہیں بھی مبینہ طور پر سنگین نتا ئج کی دھمکیاں دیں اور فرار ہوگئے۔