چیئرمین جوائنٹ چیفس آف سٹاف کمیٹی اور مریم اورنگزیب سے چینی سفیر کی ملاقاتیں، دہشتگردی کیخلاف قربانیوں کو سراہا: آئی ایس پی آر
راولپنڈی (نوائے وقت رپورٹ) آئی ایس پی آر کے مطابق چینی سفیر یاؤ جنگ نے چیئرمین جوائنٹ چیفس آف سٹاف کمیٹی جنرل زبیر محمود حیات سے ملاقات کی۔ چینی سفیر نے دہشت گردی کے خلاف جنگ میں پاکستان کی قربانیوں کو سراہا اور پاک فوج کی پیشہ ورانہ صلاحیتوں کو بھی سراہا۔ چینی سفیر نے وزیر اطلاعات مریم اورنگزیب سے بھی ملاقات کی۔ مریم اورنگزیب نے کہا کہ ملک میں امن کامیابی سے بحال کیا۔ عوامی رابطوں اور ثقافتی وفود کے تبادلے بڑھانا چاہتے ہیں، سی پیک منصوبہ مشترکہ منزل ہے منصوبے سے آنے والی نسلوں کو دیرینہ تعلقات اور دوستی منتقل ہو گی۔
