بلائنڈ کرکٹ ورلڈ کپ:بنگلہ دیش‘ نیپال کی ٹیمیں پاکستان پہنچ گئیں
لاہور(سپورٹس رپورٹر+نمائندہ سپورٹس )بلائنڈ کرکٹ ورلڈ کپ میں شرکت کیلئے بنگلہ دیش اور نیپال کی ٹیمیں پاکستان پہنچ گئیں، نیپال کی ٹیم واہگہ بارڈ کے راستے لاہور پہنچی۔ پاکستان بلائنڈ کرکٹ کونسل کے ڈائریکٹرمیڈیا آصف عظیم نے بنگلہ دیشی ٹیم کااستقبال کیا، ٹیم لیڈر دیدار عالم نے کہا کہ پاکستان کھیلوں کیلئے محفوظ ملک ہے دیگرٹیموں کوبھی پاکستان آکرمیچزکھیلنے چاہئیں۔ بنگلہ دیش کے کوچ سنور احمد نے کہا کہ پاکستان ہمارادوسراگھرہے یہاں آکربہت خوشی محسوس کررہے ہیں۔ کپتان تنجیر الر حمٰن نے کہا کہ بھرپور تیاری کے ساتھ آئیں ہیں پاکستان سمیت دیگرٹیموں کوٹف ٹائم دیں گے۔میگا ایونٹ کا آغاز پرسوں ہونا ہے۔ ایونٹ کا افتتاحی میچ پاکستان اور بنگلہ دیش کی ٹیموں کے مابین کھیلا جائے گا۔ایونٹ کی ٹرافی کی تقریب رونمائی آج ہو گی ۔
