اسلام آباد ( سپورٹس رپورٹر) جوبلی انشورنس قومی جونیئر انڈر18-سنوکر چیمپئن شپ شروع ہو گئی۔ افتتاح پاکستان سپورٹس بورڈ کے ڈائریکٹر محمد اعظم دار اور پاکستان بلیرڈز اینڈ سنوکر ایسوسی ایشن کے صدرمنور حسین شیخ نے کیا۔ پہلے روز دو بڑے اپ سیٹ ہوئے ۔ پہلا اپ سیٹ اس وقت ہوا جب ان سیڈڈ پنجاب کے مد ثر شیخ نے ٹاپ سیڈ پنجاب کے محمد عمر خان کو3-1سے شکست دی۔ دوسرا اپ سیٹ پنجاب ہی کے احسن رضا نے سندھ کے چیمپئن شیخ قمبر حسین کو3-0 سے شکست دے کر کیا۔۔ پہلے روزسلام آباد کے ثمران یاسین نے کے پی کے بلال خان کو3-1سے، پنجاب کے محمد حمزہ الیاس نے سندھ کے محمد رافع کو3-0سے، پنجاب کے شاہ زیب ملک نے کے پی کے عبداللہ رضوان کو3-0سے، کے پی کے ملک مزمل خان نے سندھ کے مصطفیٰ عامر کو3-1سے، شیخ محمد مدثر نے پنجاب کے محمد عمر خان کو3-1، پنجاب کے احس رضا نے سندھ کے شیخ قمبر حسین کو 3-0سے، کے پی کے محمد رفیق نے اسلام آباد کے کامران چوہدری کو3-0 سے، بلوچستان کے یاسر احمد نے پنجاب کے آغا دامن علی کو3-0سے، پنجاب کے محمد شہریار عباس نے سندھ کے شہریار خان کو3-1سے،کے پی کے منصف الدین نے بلوچستان کے عبدالمعید کو3-0سے، کے پی کے کامران البرٹ مسیح نے بلوچستان کے نعمان عبداسلام کو3-0سے، پنجاب کے محمد بلال نے بلوچستان کے محمد سمیع کو3-0سے شکست دیدی ، کے پی کے در کامل نے بلوچستان کے عمر ایاز کو3-2سے اور پنجاب کے شہریار وسیم نے بلوچستان کے محمد یوسف کو3-0سے شکست دی۔ آج اتوار کولیگ میچز کا آغازصبح دس بجے ہو گا اور شام پانچ بجے تک جاری رہیں گے۔