اسلام آباد (آن لائن) سابق آئی جی اسلام آباد بنیامین کے سابق گارڈ کو تھانہ سبزی منڈی کی حدود میں فائرنگ کر کے قتل کر دیا گیا۔ معتبر ذرائع کے مطابق مبینہ طور پر فائرنگ کر کے قتل کیے جانے والے شخص کی شناخت ہو گئی ہے جو کہ اسلام آباد پولیس کا ہی ملازم تھا اور اسے مبینہ طور پر جرائم پیشہ افراد کی سرپرستی کیے جانے کے الزامات پر پولیس فورس سے فارغ کر دیا گیا تھا۔ مقبول سبزی منڈی کی حدود میں واقع پٹرول پمپ پر سکیورٹی گارڈ کے فرائض سرانجام دے رہا تھا۔