سندھ میں میٹرک کے امتحان 27 مارچ اور انٹر کے 24 اپریل سے ہوں گے
کراچی(صباح نیوز)کراچی سمیت سندھ بھر میں میٹرک اورانٹرکے سالانہ امتحانات برائے سال 2018 کی تاریخوں کاتعین کرلیا گیا ہے۔کراچی سمیت سندھ بھر میںمیٹرک کے امتحانات27مارچ جبکہ انٹرکے امتحانات 24اپریل سے شروع ہونگے۔مجموعی طورپران امتحانات میں 25لاکھ سے زائد طلبا کی شریک ہونگے صرف کراچی میں میٹرک کے امتحانات میں ساڑھے تین لاکھ کے قریب طلبا کی شرکت متوقع ہے۔امتحانات کے حوالے سے فیصلے کی حتمی منظوری آئندہ چندروزمیں صوبائی محکمہ اسکول ایجوکیشن اورصوبائی محکمہ کالج ایجوکیشن کی اسٹیرنگ کمیٹی کے اجلاس میں دی جائے گی جو صوبائی وزیرتعلیم جام مہتاب حسین ڈہرکی زیرصدارت ہوگا۔
