شیخوپورہ، فیروزوالہ (نمائندہ نوائے وقت+نمائندہ خصوصی+ نامہ نگار) تھانہ بھکھی کے علاقہ رسول ٹائون میں نامعلوم نے ایک شخص عنایت علی کو کلہاڑی کے پے در پے وار کرکے موت کے گھاٹ اتار دیا۔ سفاک ملزمان نے عنایت علی کے بازو اور ٹانگیں کاٹنے کے بعد نعش کو درخت کے ساتھ لٹکا دیا اور فرار ہوگئے۔ مقتول عنایت ملزم شہباز کا قریبی رشتہ دار ہے جسے رنج تھا کہ مقتول نے اسکے بیٹے گلزار کو مخبری کرکے لاہور پولیس کو گرفتار کروایا ہے اور اسی رنجش کی بنا پر جب وہ گزشتہ روز انکے گھر گیا تو ملزم شہباز نے اپنے بیٹے شہزاد کے ہمراہ سے کلہاڑی کے پے در پے وار کرکے موت کے گھاٹ اتار دیا۔ پولیس نے مقدمہ درج کرلیا ہے۔