مانسہرہ: کمرے میں گیس ہیٹر سے آتشزدگی، ایک شخص جاں بحق
مانسہرہ(نامہ نگار) مانسہرہ جامع مسجد رحمکاریہ چکیاء روڈ پر کمرہ میں سوئی گیس ہیٹر سے آگ بھڑک اٹھی، ایک شخص جاں بحق، سامان بھی جل گیا۔ تفصیلات کے مطابق گزشتہ روز رحمکاریہ مسجد چکیاء روڈ کے کمرہ میں لگے سوئی گیس ہیٹر سے آگ کمرہ میں پھیل گئی جس سے کمرہ میں سویا ہو امجذوب شخص سید عبدالرزاق شاہ المعروف مجذوب بابا جان بحق ہو گیا۔ اطلاع ملتے ہی سٹی پولیس اور فائر بریگریڈ کا عملہ موقع پر پہنچ گیا اور آگ پر قابو پایا۔
