لاہور(سپورٹس رپورٹر) پاکستان کرکٹ بورڈ کے زیر اہتمام جاری محکمہ جاتی ون ڈے ٹورنامنٹ کا ساتواں راؤنڈ مکمل ہو گیا۔ سمیع اسلم، کامران اکمل اور اسد شفیق نے سنچریاں سکور کیں۔ پی ٹی وی نے 194 رنز سکور کیے۔کاشف بھٹی نے چارکھلاڑیوں کو آؤٹ کیا۔ جواب میں سوئی سدرن گیس نے سمیع اسلم کی ناقابل شکست 103 ، عمر امین کے 65 نمایاں رنز کی بدولت ہدف 2 وکٹوں پر پورا کر لیا۔ واپڈا نے کامران اکمل کی سنچری کی بدولت نیشنل بنک کو چھ وکٹوں سے ہرایا۔ نیشنل بنک نے 218 رنز سکور کیے۔ منصور امجد نے چار کھلاڑیوں کو آؤٹ کیا۔ واپڈا نے چار وکٹوں پر 222 رنز بنا کر میچ جیت لیا۔ کامران اکمل نے 115 رنز بنائے۔ یو بی ایل نے کے آر ایل کو 112 رنز سے ہرایا۔ یو بی ایل نے 8 وکٹوں پر 286 رنز بنائے ، شان مسعود نے 86، عمیر خان نے 65 اور اکبرالرحمان نے 64 رنز بنائے۔ صدف حسین نے چار کھلاڑیوں کو آؤٹ کیا۔ کے آر ایل ٹیم 174 رنز پر ڈھیر ہو گئی۔ میر حمزہ نے تین کھلاڑیوں کو آؤٹ کیا۔ سوئی نادرن گیس نے حبیب بنک کو چار رنز سے ہرا دیا۔ سوئی نادرن گیس نے 8 وکٹوں پر 290 رنز سکور کیے ، اسد شفیق نے 119 رنز کی اننگز کھیلی، حسین طلعت نے 58 اور خرم شہزاد نے 53 رنز بنائے۔ ایچ بی ایل ٹیم 286 پر آؤٹ ہو گئی۔ سلمان آفریدی نے 93، زوہیب احمد نے 39 اور احمد شہزاد نے 36 رنز سکور کیے۔ محمد عمران نے تین اور عمران خالد نے دو کھلاڑیوں کو آؤٹ کیا۔