اسلام آباد (نوائے وقت رپورٹ) اسلام آباد سے افغانستان جانے والے نوجوان کے والدین نے کہا ہے کہ احمر شہزاد سوشل میڈیا پر کالعدم تحریک طالبان کے جھانسے میں آکر افغانستان گیا۔ احمر کی افغانستان میں موجودگی کی اطلاع کالعدم تنظیم کے ترجمان احسان اللہ احسان نے دی۔ چار سال سے اکلوتے بیٹے کی تلاش میں دربدر کی ٹھوکریں کھا رہے ہیں۔ 5 نومبر 2014ء کو تھانہ آبپارہ میں مقدمہ درج کرایا۔ لاپتہ افراد کے کمشن میں بھی درخواست دی۔ والدین نے آرمی چیف قمر جاوید باجوہ سے اپیل کی ہے کہ ہمارے بیٹے احمر کو بازیاب کرایا جائے۔