لاہور(نمائندہ سپورٹس+سپورٹس رپورٹر) 55ویں نیشنل بیڈ منٹن چیمپئن شپ اختتام پذیر ہو گئی۔ مینز سنگلز کا ٹائٹل نیشنل بنک کے مراد علی نے جبکہ ویمن سنگلز کا ٹائٹل واپڈا کی ماحور نے اپنے نام کیا۔ مینز ڈبلز کا ٹائٹل بھی واپڈا نے جیت لیا۔ پاکستان بیڈ منٹن فیڈریشن کے زیر اہتمام منعقد ہونے والی قومی بیڈمنٹن چیمپئن شپ میں ویمنز سنگل ٹائٹل کے فائنل میں واپڈا کی ماہ حور شہزاد نے نیشنل بنک کی پلوشہ بشیر کو سٹریٹ سیٹ میں 2-0 سے شکست دی۔۔ مینز سنگل کا ٹائٹل نیشنل بنک کے علی مراد نے اپنے نام کیا۔ علی مراد نے فائنل میں واپڈا کے عرفان سعید کو دو صفر سے مات دی۔ علی مراد کی کامیابی کا سکور 21-18 اور 21-14 رہا۔ مینز ڈبل کے فائنل میں واپڈا کے عرفان سعید اور عظیم سرور نے اپنے ہی ادارے سے تعلق رکھنے والے عتیق چوہدری اور راجہ حسنین کو سے ہرایا۔ چیمپئن شپ کی اختتامی تقریب کے مہمان خصوصی پاکستان اولمپک ایسوسی ایشن کے صدر لیفٹیننٹ جنرل (ر) سید عارف حسن تھے جنہوں نے کھلاڑیوں میں انعامات تقسیم کیے۔