سانحہ قصور ،کراچی کے فنکار بھی سراپا احتجاج، سندھ اسمبلی پر مظاہرہ
کراچی( کلچرل رپورٹر) کراچی میں فنکاروں او ر گلوکاروں نے زینب کے قتل اور بچوں کے ساتھ زیادتی کے واقعات پر سندھ اسمبلی کے باہر احتجاج کیا جس میں فنکاروں نے ایسے واقعات کی شدید مذمت کی اور تاثرات کی صورت میںاحتجاج ریکارڈ کرایا۔ کراچی کے نامور فنکار حسن سومرو کی قیادت میں مختلف فنکاروں عائشہ عمر، نادیہ حسین، فیصل قریشی، جوجی اور مختلف فنکار شامل تھے جنہوںنے ڈپٹی سپیکر سندھ اسمبلی سے ملاقات کی اور کہا کہ بچوں کے ساتھ ہونے والی زیادتی کے واقعات و جرائم کے بارے میں آگاہی کے لئے سکولوں میں واک کرسکتے ہیں اور اس سلسلے میں آگاہی دیں گے۔
