مقبوضہ بیت المقدس (اے پی پی) اسرائیل کا حیتس تین اینٹی میزائل سسٹم کا تیسرا تجربہ بھی ناکام ہوگیا ۔خبر رساں ایجنسی قدس کے مطابق اسرائیل کی وزارت دفاع نے اعتراف کیا ہے کہ حیتس تین میزائل کا تیسرا تجربہ سسٹم میں پیدا ہونے والی مشکلات کے باعث موخر کرنا پڑا۔ اسرائیل کے حیتس تین اینٹی میزائل کا تجربہ مسلسل تیسری بار ناکام ہوا ہے۔ حیتس تین میزائل سسٹم اسرائیل کا چار منزلہ میزائل ڈیفینس سسٹم ہے اور اسے درمیانے فاصلے تک مار کرنے والے بیلسٹک میزائلوں کا مقابلہ کرنے کی غرض سے بنایا گیا ہے۔ اسرائیل نے گزشتہ سال ستمبر میں بھی میزائل کا تجربہ کیا تھا تاہم یہ میزائل اپنے ہدف کو نشانہ بنانے میں ناکام رہا تھا۔ حیتس میزائل کے منصوبے پر اب تک دو ارب ڈالر سے زیادہ کی رقم خرچ کی جاچکی ہے۔