سنچورین(سپورٹس ڈیسک) امپائر کیساتھ نامناسب رویہ اختیار کرنے پر ویرات کوہلی کو جرمانہ عائد کر دیا گیا، بھارتی کپتان نے آوٹ فیلڈ گیلا ہونے کی شنوائی نہ ہونے پر گیند کو گراونڈ پر پٹخا تھا۔ سنچورین ٹیسٹ کے تیسرے روز میزبان ٹیم کی دوسری اننگز کے دوران بارش کی وجہ سے میچ روکنا پڑا، کچھ دیر بعد امپائرز نے کھیل دوبارہ شروع کرنے کا فیصلہ کیا تو بھارتی کپتان نے آوٹ فیلڈ گیلا ہونے کی وجہ سے بار بار امپائر مائیکل گف سے شکایت کی اور شنوائی نہ ہونے پر گیند کو غصے میں زمین پر دے مارا۔