اسلام آباد ( سپورٹس رپورٹر) جوبلی انشورنس قومی جونیئر انڈر21-سنوکر چیمپئن شپ 2018ء کا ناک آئوٹ رائونڈ(پری کوارٹر فائنلز) آج بدھ کو پاکستان سپورٹس کمپلیکس کے پی ایس بی بلیرڈز اینڈ سنوکر ہال میںکھیلا جائے گا۔ منگل کو لیگ رائونڈ کے آخری آٹھ میچز کھیلے گئے جن میں سے مزید چار کھلاڑیوں نے پری کوارٹر فائنل کھیلنے کا اعزاز حاصل کر لیا۔ چاروں کھلاڑیوں کا تعلق پنجاب سے ہے ان میں گروپ جی سے عثمان احمد، گروپ سی سے شیخ محمد مدثر گروپ ایچ سے احسن رمضان اور گروپ ڈی سے محمد عمر خان شامل ہیں۔12کھلاڑی پہلے ہی کوالیفائی کر چکے تھے۔ اس طرح مجموعی طور پر 16کھلاڑی پری کوارٹر فائنلز میں پہنچ گئے۔