میلورن (سپورٹس ڈیسک )سوئس ٹینس کنگ اور نمبر 2 سیڈ راجر فیڈرر نے آسٹریلین اوپن میں ٹائٹل کے دفاعی کی مہم کا فتح کیساتھ آغاز کیا ہے کینیڈا کے مائلوس رائونک، پیٹرا کوویٹوا، کیرولینا پلسکووا سال کے پہلے گرینڈ سلم سے باہر ہوگئے ہیں۔36 سالہ فیڈرر نے سنگلز کے پہلے راونڈ میں سلووینیا کے الجاز بیڈینی کو سٹریٹ سیٹس میں زیر کرکے اپنی شاندار فارم کا ثبوت پیش کردیا۔سابق نمبر ایک نوواک جوکووچ اور ٹاپ سیڈ خاتون کھلاڑی سمونا ہالیپ نے بھی دوسرے راونڈ میں جگہ بنا لی، جوکووچ نے امریکی ڈونلڈ ینگ کو آسانی سے مسلسل 3سیٹس میں زیر کیا۔ڈیل پوٹرو، گائل مونفلز، سٹین سلاس وارنکا، سیم کیوری، فرنینڈو ورڈاسکو، ڈومنیک تھائم بھی پہلی رکاوٹ عبور کرنے میں کامیاب رہے۔خواتین ایونٹ میں ایشلے بارٹی، ماریا شراپووا، اگنیسکا راڈونسکا، کمیلا جورجی، یوجین بوشارڈ، ایلینا ویسنینا اور اینڈریا پیٹکووچ دوسریمرحلے میں پہنچ گئیں ہیں۔